Sucesión con glamour

Sucesión con glamour é o título que lle puxo  José María Sorando a esta fermosa sucesión. Moi difícil de atopar o termo xeral.  Deixo un día ou dous de prazo para atopalo e despois porei o enlace a un dos blogs de aula de José María Sorando, onde está a resposta. Solución

Hotel de Hilbert

O hotel de Hilbert ten infinito número de cuartos, numerados 1,2,3,4,... O hotel está cheo, todos os cuartos están ocupados. Chega un novo hóspede. Terá sitio no hotel?
Como o hotel ten un número infinito de cuartos, o xerente do hotel pide a todos os hóspedes que se muden para o número seguinte de cuarto: o hóspede do cuarto número n múdase para o cuarto número n+1. Así, o novo hóspede cabe no cuarto 1. Todos os que estaban no hotel continúan hospedados.  Ou sexa, a pesar do hotel estar cheo, cabe sempre un mais.
Agora supoñamos que no día seguinte chega un número infinito de hóspedes. O xerente pide a todos os hóspedes que se muden para o cuarto que teña o dobre do número do seu: o hóspede do cuarto n múdase para o cuarto 2n. Ou sexa, pasa a haber un número infinito de cuartos (os números ímpares) libres para os novos hóspedes. Todos os que estaban no hotel continúan hospedados. E os novos hóspedes tamén están agora hospedados. A pesar do hotel estar cheo, puidemos hospedar infinitos hóspedes a maiores.

Aínda co hotel cheo poderiamos hospedar a infinitos grupos de infinitos hóspedes. Podes velo neste vídeo.

Tamén sobre o infinito trata este capítulo do  programa tres14 de RTVE.

Estructuras hiperboloides

 Torre de televisión de Cantón en Guangzhou

Torre Shukhov, Rusia

Nestas fotos podes ver a primeira e a última torres hiperboloides construidas no mundo. A primeira realizouna en 1896 o inxeneiro e arquitecto ruso Vladimir Shukhov.  A última é a torre cantón rematada en 2010 en  China.
En España utilizou esta estructura Antonio Gaudí, un dos maís grandes arquitectos do mundo.

Cónicas

 

Pinchando na foto podes acceder a un estudio completo da elipse, hipérbole e parábola a través da interesante presentación Flash realizada por José Antonio Cuadrado Vicente e publicada na web do ITE.

Concurso de monólogos matemáticos

O IES Monelos e o boletín de divulgación matemática TETRACTIS, convocan o V certame de matmonólogos.

Esta iniciativa tan orixinal xa vai pola quinta edición. Os participantes presentarán un guión cunha extensión máxima de mil palabras en lingua galega ou castelá. O tema deberá estar relacionado coas matemáticas. Deberán presentarse en formato DINA4, por unha cara, a dobre espazo, con corpo de letra de 12 puntos e encabezados polo título.
O prazo de entrega dos relatos comeza o 1 de febreiro e remata o 2 de maio 2012, ambos inclusive.
Podedes ler no blog TETRACTIS as bases completas do concurso e os relatos premiados en edicións anteriores e veredes que é un tema moi aberto o dos monólogos matemáticos. Animádevos a participar!.

Un dos monólogos matemáticos máis coñecidos pola rede é este do romance da derivada e o arcotanxente. O vocabulario que usa é de contidos de Bacharelato.